Sintiif tyygirad: Cosmos crithmifolius
Uus tyygirad: babisa tatkar
Kygad paart: tatkar
Yk tu ha’at hygy:
Ygi uus am amrag ibig si’ vaitim tohikov oidig am huhk yrban, aan am bohbai ygi
ia’i miad am Madertam ransam. Oktubartam masad yg tua kama aap kyg byiha.
Umtydyg:
Ygi rymydi aap kyg yg tas i’a am vook ko’okin o ykama yp aap si’ vaitim hypky
nukadkin o koolik.
Kygad:
Yg tatkar am vook kyg dyndi ykama yp am kusam kuis.
Kyga amagir:
Yg rymydi vyys is kyg i’a kykil la’al o’ob i o’oks. Voopkam o’oks kyg i’a am buh-
kam am vyys martkitiva, ko kova asibli abybdimdim mu’uk ika kova aap i’a.
Yk ta’am ananta:
Anati ygi si’ rymydi aap hymak litartam atotpida, i aap am hodvi liik uus tatkar
ygi. I ykama yp aap daksi ky tyvram bahan, ygi am ibig rytratam anyidi aap kakav
aap nati aipivyys dam hymak. Ygi hygi am tatkar o ykama yp polovtam.
Kyg in aagin:
Yg rymydi ab i’a o’oks tak yg o’ob kyg aipivyys taskad ko kova vaitim vyyn no
koolik.